Casa Florencio

Casa Florencio é unha pensión familiar situada no lugar do Verdugo, a tan só dous quilómetros do casco urbano da Lama, nunha contorna natural privilexiada xunto ao río Verdugo. O establecemento naceu sobre o antigo salón de baile La Risueña e hoxe ofrece un ambiente tranquilo e acolledor, ideal para descansar e descubrir os principais atractivos naturais e patrimoniais do municipio.

Dispón de cómodas habitacións e dun bar-cafetería con ampla terraza e vistas á praia fluvial, ademais dunha finca privada con acceso directo ao río e aparcadoiro. Pola súa localización e servizos, constitúe unha excelente opción tanto para unha escapada de natureza como para percorrer as rutas de sendeirismo e visitar lugares como Portalén, o Monte Seixo ou as fervenzas da Lama.