A Praia Fluvial do Río Verdugo é un dos espazos naturais máis visitados do Concello da Lama e un lugar ideal para gozar do baño, do descanso e do lecer en plena natureza. Situada no lugar de Sucastro, onde o río Barbeira desemboca no Verdugo, ofrece augas limpas e unha ampla zona de sombra grazas á frondosa vexetación de ribeira que a rodea. O seu excelente estado de conservación e a súa integración nun espazo da Rede Natura convértena nun destino perfecto para toda a familia. 

O recinto conta con área recreativa, merendeiro, barbacoas, servizos e un antigo ponte de pedra do século XIX que achega un gran valor paisaxístico ao conxunto. Durante os meses de verán é un dos principais puntos de encontro do municipio, sendo tamén unha excelente parada para descansar despois de percorrer as rutas de sendeirismo ou visitar recursos como Portalén, o Monte Seixo ou as fervenzas da Lama.