Cas do Mestre

Cas do Mestre é unha vivenda de uso turístico situada en Sucastro, a escasos minutos do centro da Lama. Trátase dunha antiga escola rural galega con máis de dous séculos de historia, rehabilitada con coidado para conservar a súa arquitectura tradicional e ofrecer todas as comodidades dun aloxamento actual.

Rodeada de natureza, dispón de amplos espazos interiores e exteriores, piscina, xardín e zonas de lecer, converténdose nun lugar ideal para descansar e descubrir os principais atractivos do municipio, como Portalén, o Miradoiro das Tres Rías, as fervenzas, as praias fluviais e as rutas de sendeirismo da Serra do Cando.