A Fervenza de Liñares, tamén coñecida como A Freixa, é un dos espazos naturais máis espectaculares do concello da Lama. O río Xesta, no seu treito alto, encaixase entre grandes penedos graníticos e precipítase nun impresionante salto de auga rodeado por un frondoso bosque de ribeira. A beleza da contorna e a forza da auga converten este enclave nun dos grandes atractivos naturais da Serra do Suído. 

O acceso realízase a través dun sendeiro sinalizado que parte da aldea de Liñares e forma parte da ruta PR-G 24 A Freixa, permitindo achegarse a varios miradoiros e pasarelas desde os que contemplar a fervenza. A súa proximidade á Ponte de Liñares e á Praia Fluvial do Río Xesta fai posible completar unha visita que combina natureza, patrimonio e sendeirismo nun dos vales mellor conservados do interior de Pontevedra.