A Praia Fluvial Fonte dos Arcos é un espazo natural situado á beira do río Verdugo, ideal para gozar do baño, do descanso e da tranquilidade nunha contorna de gran valor paisaxístico. Rodeada de vexetación autóctona e equipada con zonas de sombra e merendeiro, constitúe un dos lugares máis agradables do concello da Lama para desfrutar da natureza durante os meses de verán. 

A súa situación, moi próxima ao núcleo da Lama, convértea nun excelente punto de partida para descubrir outros recursos do municipio, como Portalén, o Miradoiro das Tres Rías ou as diferentes rutas de sendeirismo que percorren o territorio. É un espazo pensado para toda a familia, onde combinar lecer, natureza e turismo activo.